معا على الطريق

معا على الطريق

ملتقى العلم والمعرفة والتربية
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» دورات الاتحاد العالمى للتدريب والاستشارات فى قطاع تنمية مهارات إدارة المشروعات
السبت فبراير 01, 2014 2:55 pm من طرف مروة جمال

» اسس ومفاهيم تطوير المناهج
الإثنين يناير 02, 2012 11:59 am من طرف mechail

» ما هو برنامج تأهيل القيادات؟
الإثنين أكتوبر 17, 2011 7:15 pm من طرف فياضة

» إدارة الازمات
الإثنين سبتمبر 19, 2011 3:31 pm من طرف ميشيل

» المدير الناجح
الأحد سبتمبر 11, 2011 9:07 pm من طرف Admin

» الخريطة الزمنية للعام الدراسى الجديد2012
الجمعة أغسطس 26, 2011 11:07 pm من طرف mechail

» كيفية بناء خطة مدير ومديرة المدرسة
الخميس أغسطس 25, 2011 10:16 pm من طرف mechail

» مدرسة الفرنسيسكان
الثلاثاء أغسطس 16, 2011 7:30 pm من طرف mechail

» المعايير الجديدة 2012
الثلاثاء أغسطس 09, 2011 8:35 pm من طرف ميشيل

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
احداث منتدى مجاني
pubarab
منتدى

شاطر | 
 

 الربيع ابتدي من يناير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
علا عبد الفتاح



عدد المساهمات : 7
الاعضاء المميزين : 19
السٌّمعَة : 0
تاريخ التسجيل : 22/02/2011

مُساهمةموضوع: الربيع ابتدي من يناير   الثلاثاء فبراير 22, 2011 6:56 pm

الربيع ابتدي من يناير

قالولنا دايما في الشتا
الجتة تبقي مفتتة
والفكرة تبقي مشتتة
والضحكة مغموسة ف دمعة
والعزم يبقي في الحضيض
ماهو هو أصل البرد قاسي
وقلبه مخلوق من حديد

قالولنا دايما في الشتا
الشمس تبقي مستحية
ساعتين يدوب، والمغربية
تيجي تغلق في البيبان
والوحشة تدخل من المغارب
وتملي قلب البيت عقارب
تملاه سحالي..تملاه ديدان

قالولنا دايما في الشتا
بيتك يا حي أولي بيك
ولا تلزمك بصة شبابيك
ولا تلزمك دقة مزازيك
لا تقول ده صاحبي ولا جاري
ولا تقول كان معايا في يوم شريك
مصلحتك انت أولا
هي اللي لزمن ح تناديك

قالولنا كن في الشتا
ومد رجلك بس علي قد اللحاف
هو لحافك اللي ليك
اياك ح تحلم تفرده ،وتنجده..
وتنط في بحر الأماني، وتجري بيك
اياااااك ، ده قدرك ، قسمتك،
لزمن تحبه وتحمده ،مهما يضيق

قالونا لما يطول الشتا،
وتنغصك لسعة آلام
أحلي حل ليك يا صاحبي انك تنام
غمض عنيك واحلم .مهما تحلم لا ملام
يمكن تلاقي حتة دفا، ولا لقمة، ولا هدمة،
ولا مزة،،أي لذة والسلام
المهم بس يا همام
ان الحلم يبقي "هس" من غير كلام!

قالوا وقالوا ع الشتا ونيمونا بالكلام
نمنا زي ماناموا السلاحف،ألف عام،
نمنا في سعادة وف هنا
نمناهم ف ضنا ، نمنا ف الآلام
المهم ان احنا نمنا وتوهونا في االمنام

ناموا أهل الكهف ناموا
بس صحيوا م الصقيع
واللي ما قالولناش عليه
ان من قلب الشتا... ممكن بيتخلق ربيع
لا ده كمان ممكن شتا يبقي شرنقة الفراشة
سقعته وبرد قلبه ينضحوا دفيء وحماسة

قالوا دايما في الشتا خليك مسير
بس شبابنا في الشتا قالوا نغير
تعالي اشكي بلوتك وع الحق دور
اصرخ بعزم قوتك لكرامك اثأر

الشتا مش بالشهور
أمشير وطوبة أو يناير
الشتا عجز القلوب
الشتا سقعة مشاعر

ناس كتير ...من قلب أحضان الشتا صاروا شموس
نارها صهرت حاجز الخوف اللي كلبش في النفوس
ونورها طارد أشباح الظلام وعباد المراكز والفلوس

ناس كتير من قلب أحضان الشتا قادوا ضماير
هبت وصحت كل ناعس، كل لاهي ،كل حاير
جمعوهم وكان وقودهم الوفا
نظموهم وكان قائدهم الدفا
من عز قلب الشتا اشعلونا بالربيع
نبتوا فينا الشباب..الشباب اللي من طول الليالي ..والصقيع .. كاد يضيع
هزوا بكفاحم عروش بليدة جمدت فينا الخيال
وصمدوا وفضلوا يهزوا فيها...
لما حققوا الحلم المحال
نفخواأنفاسهم جريئة، وضحوا بأرواحهم بريئة
ونسونا بالآمال

ورغم الشتا ، اتحقق الحلم الجميل
راية وطننا رفرفت وسط الميدان
حررنا مصر ،ونار الحق خوفت الغيلان
عن الشتا، وبرد الشتا
ياما قالوا كتير زمان
بس من يومنا ورايح
الشتا ما لوش مكان
الربيع جي بوروده، جي بسنابله والغيطان
الربيع ابتدي من يناير، لما بقي آن الأوان
الرجوع الى أعلى الصفحة اذهب الى الأسفل
ميشيل

avatar

عدد المساهمات : 102
الاعضاء المميزين : 268
السٌّمعَة : 0
تاريخ التسجيل : 17/05/2009
العمر : 59
الموقع : mechail.page.tl

مُساهمةموضوع: رد: الربيع ابتدي من يناير   الثلاثاء فبراير 22, 2011 7:14 pm



شكرا للأستاذة علا
المنتدى اصبح له روح جديدة وطعم جديد
وزادت رئته التنفسية واصبح بين المنديات له التنافسية
الرجوع الى أعلى الصفحة اذهب الى الأسفل
MR_WASEF

avatar

عدد المساهمات : 30
الاعضاء المميزين : 50
السٌّمعَة : 0
تاريخ التسجيل : 25/11/2008
العمر : 60

مُساهمةموضوع: رد: الربيع ابتدي من يناير   الخميس فبراير 24, 2011 7:41 pm

حقا أن اللآوان- يا ست علا
والربيع جاي -انشاء اللة جاي- والورود ح تفتح وتملا المكان
والسنابل فى الغيطان- حتروى نار العطشان- وح تغنى الطيور -مبارك شعب مصر-باليمن والخير والبركات-شكرا على كلامك وعلى تفاؤلك
الرجوع الى أعلى الصفحة اذهب الى الأسفل
safowat sobhy

avatar

عدد المساهمات : 12
الاعضاء المميزين : 16
السٌّمعَة : 0
تاريخ التسجيل : 09/09/2009
العمر : 64

مُساهمةموضوع: هل هناك ربيع ؟   الخميس فبراير 24, 2011 8:22 pm

قررت وزارة التربية والتعليم العالى، اليوم الخميس، تشكيل لجنة لفحص ودراسة الإجراءات التى يمكن اتخاذها للاستجابة لمطالب المعلمين والعاملين بالتربية والتعليم الذين يحتجون منذ أسابيع من أجل تحسين أوضاعهم المالية والوظيفية.

وتضم اللجنة كل من المستشار يحيى أحمد راغب الدكرورى، المستشار القانونى للوزير أحمد جمال الدين موسى، والدكتور رضا أبو سريع، مساعد أول الوزير للتعليم العام مقرراً للجنة، والدكتور عادل شكرى مستشار التطوير الإدارى وألفت عبد الرحيم فرغلى مدير الشئون المالية بالوزارة.

رضا ابو سريع وعادل شكرى اكبر اعداء للعاملين بالتربية والتعليم وبناء على تعليماتهم صدرت قرارات كثيرة ضد العامليم فى التربية والتعليم رضا ابوسريع صاحب الكتاب الدورى الاسود رقم 1
والثانى صاحب حركة اختيار مديرى المديريات السيئة الحالية التى اختارت اسوء العناصر
والدكرورى هو محامى حسنى مبارك
البداية سيئة جدا نرجو ارسال فاكسات للوزير برأيكم فى ذلك او على البريد الالكترونى للوزارة
الرجوع الى أعلى الصفحة اذهب الى الأسفل
ميشيل

avatar

عدد المساهمات : 102
الاعضاء المميزين : 268
السٌّمعَة : 0
تاريخ التسجيل : 17/05/2009
العمر : 59
الموقع : mechail.page.tl

مُساهمةموضوع: رد: الربيع ابتدي من يناير   الخميس فبراير 24, 2011 8:27 pm




وعجبى على ......
الرجوع الى أعلى الصفحة اذهب الى الأسفل
 
الربيع ابتدي من يناير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
معا على الطريق :: اســــتراحة :: ابداعات-
انتقل الى: